സ്വതന്ത്ര സോഫ്റ്റ്‌വെയർ ദിനാചരണം – കൈറ്റ് പാലക്കാട്.

സ്വതന്ത്ര സോഫ്റ്റ്‌വെയർ ദിനാചരണത്തിന്റെ ഭാഗമായി സെപ്തംബർ 20 ന് KITE പാലക്കാട് ജില്ലാ ഓഫീസിൽ സ്വതന്ത്ര സോഫ്റ്റ്‌വെയർ ദിനാചരണം സംഘടിപ്പിച്ചു.

രാവിലെ 9:30 മുതൽ ഇൻസ്റ്റലേഷൻ ഫെസ്റ്റോടെയാണ് ദിനചാരണം ആരംഭിച്ചത്. മുൻകൂട്ടി രജിസ്റ്റർ ചെയതവർക്കും നേരിട്ട് ഓഫീസിൽ വന്നവർക്കുമായി KITE GNU/Linuxj(Ubuntu 22.04. 5) ഓപ്പറേറ്റിംഗ് സിസ്റ്റം ഇൻസ്റ്റാൾ ചെയ്തു നൽകി. അധ്യാപകരും പൊതു ജനങ്ങളും വിദ്യാർത്ഥികളുമായി 30 ലധികം പേർ ഇൻസ്റ്റലേഷൻ ഫെസ്റ്റിൽ പങ്കെടുത്ത് അവരുടെ ലാപ്‌ടോപ്പുകളിൽ Ubuntu 22.04. 5 ഇൻസ്റ്റാൾ ചെയ്തു സംതൃപ്തിയോടെ മടങ്ങി.

ഉച്ചയ്ക്ക് 2 മണിക്ക് നടന്ന സംസ്ഥാന തല ഉദ്ഘാടന ചടങ്ങിൽ ബഹു. തൊഴിൽ - വിദ്യാഭ്യാസ വകുപ്പ് മന്ത്രി വി ശിവൻകുട്ടി സ്വതന്ത്ര സോഫ്റ്റ്‌വെയർ ദിനാചരണത്തിന്റെ സംസ്ഥാന തല ഉദ്ഘാടനം നിർവഹിച്ചു. കൈറ്റ് സി.ഇ.ഒ ശ്രീ.അൻവർ സാദത്ത്.കെ അധ്യക്ഷത വഹിച്ചു. തുടർന്ന് ജില്ലാ തല സെമിനാറിൽ 'സ്വതന്ത്ര സോഫ്റ്റ്‌വെയറിന്റെ സാധ്യതകളും പ്രാധാന്യവും' എന്ന വിഷയത്തിൽ ശ്രീ. മുകുന്ദൻ അണ്ണാമലൈ (Partner ZENDALONA, മുൻ ISRO ശാസ്ത്രജ്ഞൻ) സെമിനാർ അവതരിപ്പിച്ചു. 

സ്വതന്ത്ര സോഫ്റ്റ്‌വെയറിന്റെ സാധ്യതകൾ വളരെ ആവേശത്തോടെ സ്വന്തം അനുഭവങ്ങളുടെ അടിസ്ഥാനത്തിൽ മുകുന്ദൻ സർ അവതരിപ്പിച്ചു. 4.15 മുതൽ ലിറ്റിൽ കൈറ്റ്സ് വിദ്യാർത്ഥികൾ ഒരുക്കിയ റോബോട്ടിക് ഉൽപ്പന്നങ്ങളുടെ പ്രദർശനം ശ്രദ്ധേയമായി. അധ്യാപകരും പൊതു ജനങ്ങളും വിദ്യാർത്ഥികളുമായി 60 ലധികം പേർ സെമിനാറിൽ പങ്കെടുത്തു.

സ്വതന്ത്ര സോഫ്റ്റ്‌വെയർ ദിനാചരണം വിദ്യാർത്ഥികളിലും അധ്യാപകരിലും സ്വതന്ത്ര സോഫ്റ്റ്‌വെയറിന്റെ പ്രാധാന്യത്തെക്കുറിച്ച് കൂടുതൽ ബോധവൽക്കരണം സൃഷ്ടിക്കുകയും, സാങ്കേതിക വിദ്യകളിൽ അവരുടെ പങ്കാളിത്തം ശക്തമാക്കുകയും ചെയ്തു.

Freedom Software Day Celebration

ഫ്രീഡം സോഫ്റ്റുവെയർ ആചരണം 

എല്ലാവർഷവും സെപ്തംബർ മാസം മൂന്നാമത്തെ ശനിയാഴ്ചയാണ് free Software day ആയി ആചരിക്കുന്നത്. ഈ വർഷം അത് September 20 നാണ്.
15/09/2025 മുതൽ ഒരാഴ്ച നീണ്ടു നിൽക്കുന്ന പരിപാടിയായിട്ടാണ് ഇത് LK യൂണിറ്റുകളിൽ നടപ്പാക്കേണ്ടത്.
1. ഈ ഒരാഴ്ച LK ജില്ലാ ഗ്രൂപ്പിൽ നൽകുന്ന Information kit കൾ കുട്ടികളുടെ ഗ്രൂപ്പിൽ ഷെയർ ചെയ്യുക.
2. 20/09/2025 ന് ഇവ ഉൾപ്പെടുന്ന ഒരു പ്രശ്നോത്തരി നടത്തി വിജയിയെ കണ്ടെത്തുന്നു. (open quiz മാതൃകയിയല്ല അത് നടത്തുന്നത്, ജില്ലയിൽ നിന്ന് പ്രത്യേകം തയ്യാറാക്കി നൽകുന്ന html ഫയൽ ഉപയോഗിച്ചായിരിക്കും ഇത് നടത്തുക)
3. 23/09/2025 ന് അസംബ്ലിയിൽ സംസ്ഥാന തലത്തിൽ നിന്നും ലഭിക്കുന്ന പ്രതിജ്ഞ എടുക്കുക. Quiz ലെ വിജയിയെ പ്രഖ്യാപിക്കുക.
4. ഉച്ചയ്ക് 2 മണിയ്ക്ക് ജില്ലയിൽ നിന്ന് തയ്യാറാക്കി നൽകിയ പ്രസൻ്റേഷൻ ഉപയോഗിച്ച് Mentor ക്ലാസ്സെടുക്കുകയും , Phet, Thalam, Stellarium തുടങ്ങിയ സോഫ്റ്റുവെയറിലെ രണ്ട് ആക്റ്റിവിറ്റികൾ കുട്ടികൾ അവതരിപ്പിക്കുകയും ചെയ്യണം.
5. a)Foss Corner
        b)Seminar on free software
        c)Exibition - ഇതിനു വേണ്ടി പ്രവർത്തിച്ച ആളുകൾ, സംഭാവനകൾ
        d)സമീപ പ്രദേശത്തെ പ്രൈമറി വിദ്യാലയങ്ങളിലെ കുട്ടികൾക്ക് സോഫ്റ്റ് വെയർ പരിചയപ്പെടുത്തുക
             ഈ പ്രവർത്തനങ്ങളിൽ ഏതെങ്കിലും 2 എണ്ണം ഈ ആഴ്ച നടത്തണം .

ഇവയെല്ലാം കൃത്യമായി document ചെയ്യുകയും പ്രവർത്തനങ്ങൾ Schoolwiki , സാമൂഹ്യ മാധ്യമങ്ങൾ എന്നിവയിലൂടെ പ്രചരിപ്പിക്കുകയും വേണം.

 

LK പുതിയ യൂണിറ്റുകൾ,അധികബാച്ചുകൾ

 LK യ്ക്ക് പുതിയ യൂണിറ്റ് തുടങ്ങാം - Circular

നിലവിലുള്ള LK യൂണിറ്റിന് അധികബാച്ച് തുടങ്ങാം - Circular

Little Kite's - New Batch 2025-28

 ലിറ്റിൽകൈറ്റ്സിൽ അംഗങ്ങളാകാൻ അവസരം

നിലവിലെ എട്ടാം ക്ലാസ്സ് കുട്ടികൾക്ക് ലിറ്റിൽകൈറ്റ്സിൽ അംഗമാകാൻ ജൂൺ 17 വരെ അപേക്ഷ നൽകാം.

ജൂൺ 25 ന് നടക്കുന്ന ആപ്ററിട്ട്യൂട്ട് ടെസ്റ്റിലൂടെയാണ് പ്രവേശനം ലഭിക്കുക.

                                                                          

അപേക്ഷാഫോമിന്റെ മാതൃക  : Click here
 

പാലക്കാട് ജില്ലാ ഐ ടി മേള 2024 October 28,29,30 DRC PalakkadLocation : Click Here

District IT Quiz 2024

 

 

പാലക്കാട് ജില്ല ഐ ടി ക്വിസ് 30/09/2024 ന് കൈറ്റ് പാലക്കാട് ജില്ലാ ഓഫീസിൽ വച്ച് നടത്തുന്നു.

HS, HSS വിഭാഗത്തിൽ സബ്ജില്ലയിൽ നിന്ന് ഒന്നും രണ്ടും സ്ഥാനം ലഭിച്ചവർ AEO യുടെ കത്തോടെ ക്വിസിന് പങ്കെടുക്കണം.

HS വിഭാഗം - 10.30 am

HSS വിഭാഗം - 2.30 pm.

മത്സരാർത്ഥികൾ അര മണിക്കൂർ മുൻപ് റിപ്പോർട്ട് ചെയ്യണം.

Youtube Downloader

Youtube വീഡിയോകൾ download ചെയ്യാൻ ആവശ്യമായ സോഫ്റ്റ്‍വെയർ ഇൻസ്റ്റാൾ ചെയ്യാൻ ലിങ്കിൽ നിന്നും ലഭിക്കുന്ന ഫയൽ Extract ചെയ്ത് അതിലെ install.sh എന്ന ഫയൽ ഡബ്ൾ ക്ലിക്ക് ചെയ്ത് Run in Terminal ക്ലിക്ക് ചെയ്യുക. ഇന്റർനെറ്റ് കണക്ഷൻ ഉണ്ടായിരിക്കണം.

സ്കൂൾ ഐ ടി മേള 2024 – രചനയും അവതരണവും - പൊതു തീം

2024-2025 അദ്ധ്യയന വർഷം മുതൽ സ്കൂൾ ശാസ്ത്രോത്സവത്തിന്റെ ഭാഗമായുള്ള ഐ.ടി. മേളയിലെ ഹൈസ്കൂൾ-ഹയർ സെക്കൻറി-വൊക്കേഷണൽ ഹയർ സെക്കന്ററി വിഭാഗങ്ങളുടെ മത്സര ഇനങ്ങളിൽ 'രചനയും അവതരണവും' എന്ന ഇനം ഒരു പൊതു തീം (പ്രമേയം) അടിസ്ഥാനമാക്കിയാണ് നടത്തേണ്ടതെന്ന് നിർദേശിച്ചിട്ടുണ്ട്.

2024-25 അദ്ധ്യയന വർഷം 'ആർട്ടിഫിഷ്യൽ ഇൻ്റലിജൻസും മാറുന്ന സമൂഹവും' എന്ന തീമിനെ അടിസ്ഥാനമാക്കിയുള്ള ഏതെങ്കിലും ഒരു വിഷയം ഐ.ടി. മേളയിലെ 'രചനയും അവതരണവും' എന്ന ഇനത്തിന് എല്ലാ തലങ്ങളിലും നൽകേണ്ടതാണ്.