കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്തിന് അന്താരാഷ്ട്ര ആദരം
അമേരിക്ക ആസ്ഥാനമായുള്ള Association for Educational Communications and Technology (AECT) യുടെ അന്താരാഷ്ട്ര വിഭാഗം ഏര്‍പ്പെടുത്തിയ ഈ മേഖലയിലെ സംഭാവനകള്‍ക്കുള്ള പുരസ്കാരം കൈറ്റ് വൈസ് ചെയര്‍മാന്‍ കെ. അന്‍വര്‍ സാദത്തിനു ലഭിച്ചു. വിദ്യാഭ്യാസ വിനിമയ സാങ്കേതികവിദ്യാ മേഖലയിലെ പ്രവര്‍ത്തനങ്ങള്‍ക്കാണ് പുരസ്കാരം. ആദ്യമായാണ് ഒരു ഇന്ത്യാക്കാരന് ഈ പുരസ്കാരം ലഭിക്കുന്നത്. ഒക്ടോബര്‍ 26ന് അമേരിക്കയിലെ കന്‍സാസ് സിറ്റിയില്‍ നടക്കുന്ന ഇന്റര്‍ നാഷണല്‍ കണ്‍വെണ്‍ഷനില്‍ അവാര്‍ഡ് സമ്മാനിക്കും .
എഡ്യുക്കേഷന്‍ ടെക്നോളജി, ഇന്‍സ്ട്രക്ഷനല്‍ ഡിസൈനിങ്ങ് തുടങ്ങിയ മേഖലകളില്‍ ആഗോളതലത്തില്‍ മാനദണ്ഡങ്ങള്‍ നിശ്ചയിക്കുന്നതിനും പുതിയ സംവിധാനങ്ങള്‍ അംഗീകരിക്കുന്നതിനുമുള്ള പ്രഫഷനലുകളുടെ കൂട്ടായ്മയാണ് AECT.
നിലവില്‍ കൈറ്റ് വൈസ് ചെയര്‍മാനും എക്സിക്യുട്ടീവ് ഡയറക്ടറുമായ ശ്രീ.കെ.അന്‍വര്‍ സാദത്ത് അക്ഷയ പദ്ധതി ഡയറക്ടര്‍, യു.എന്‍.ഡി.പി.യുടെ ഇ-കൃഷി പദ്ധതി തലവന്‍, ഐ.കെ.എം.ടെക്നിക്കല്‍ ഡയറക്ടര്‍, ഐ.ടി.@സ്കൂളിന്റേയും വിക്ടേഴ്സ് ചാനലിന്റേയും എക്സിക്യുട്ടീവ് ഡയറക്ടര്‍, ഇറാം സയന്റിഫിക് സി.ഇ.ഒ. തുടങ്ങിയ പദവികള്‍ വഹിച്ചിട്ടുണ്ട്.
No comments:
Post a Comment