വിക്കിപീഡിയ ദിനം
ജനുവരി
15 വിക്കിപീഡിയ
ദിനം. എല്ലാ
ഭാഷകളിലും സ്വതന്ത്രവും
സമ്പൂർണവുമായ വിജ്ഞാനകോശം
നിർമ്മിക്കുവാനുള്ള ഒരു
കൂട്ടായ സംരംഭമാണ് വിക്കിപീഡിയ
. ലാഭേച്ഛയില്ലാതെ
പ്രവർത്തിക്കുന്ന വിക്കിമീഡിയ
ഫൗണ്ടേഷന്റെ പിന്തുണയോടെയാണ്
ഈ പദ്ധതി പ്രവർത്തിക്കുന്നത്.
വിക്കിപീഡിയയിലെ
ഉള്ളടക്കം ഗ്നൂ സ്വതന്ത്ര
പ്രസിദ്ധീകരണാനുമതി പ്രകാരം
ലഭ്യമായതിനാൽ എപ്പോഴും
സ്വതന്ത്രവും സൗജന്യവും
ആയിരിക്കും.
എങ്കിലും
ചില പതിപ്പുകളിൽ സ്വതന്ത്രമല്ലാത്ത
ഉള്ളടക്കവും നിലവിലുണ്ട്.
വിക്കിപീഡിയ
എന്ന പേര്, വിക്കി,
എൻസൈക്ലോപീഡിയ
എന്നീ പദങ്ങളുടെ ഒരു മിശ്രശബ്ദമാണ്.
ലോകം മുഴുവനും വ്യാപിച്ചു കിടക്കുന്ന സന്നദ്ധ സേവന തൽപരരായ ഉപയോക്താക്കൾ സഹകരണത്തോടെ പ്രവർത്തിച്ചാണ് വിക്കിപീഡിയയിൽ ലേഖനങ്ങൾ എഴുതുന്നത്‌. ലേഖനം എഴുതുവാനും, മിക്കവാറും എല്ലാ ലേഖനങ്ങളും തിരുത്തി എഴുതുവാനും ഏവർക്കും സ്വാതന്ത്ര്യവും സൗകര്യവും വിക്കിപീഡിയ അനുവദിക്കുന്നുണ്ട്.
ജിമ്മി വെയിൽ‌സ്, ലാറി സാങർ എന്നിവർ 2001 ജനുവരി 15നാണ്‌ വിക്കിപീഡിയ പദ്ധതിക്ക് തുടക്കംകുറിച്ചത്‌. വിദഗ്ദ്ധന്മാർ ലേഖനങ്ങളെഴുതിയ നൂപീഡിയ എന്ന വെബ്‌ വിജ്ഞാനകോശത്തിന്റെ പൂരകസംവിധാനമായാണ്‌ വിക്കിപീഡിയ ആരംഭിച്ചത്‌. ജനകീയ പങ്കാളിത്തത്തിലൂടെ മാതൃവെബ്‌സൈറ്റിനെക്കാൾ പ്രശസ്തി കൈവരിക്കാൻ വിക്കിപീഡിയയ്ക്ക് സാധിച്ചു. ഇന്ന് ഇന്റർനെറ്റിൽ ഏറ്റവും പ്രശസ്തമായ പൊതു-അവലംബ ഉദ്യമമായി വിക്കിപീഡിയ കണക്കാക്കപ്പെടുന്നു.വിക്കിസോഫ്‌റ്റ്‌വെയർ എന്ന സംവിധാനമാണ്‌ ഈ സ്വതന്ത്രവിജ്ഞാനകോശത്തിന്റെ അടിസ്ഥാനം.
292 ഭാഷകളിൽ വിക്കിപീഡിയയുടെ പതിപ്പുകളുണ്ട്‌. 5,141,684ൽ അധികം ലേഖനങ്ങളുള്ള ഇംഗ്ലീഷ്‌ പതിപ്പാണ്‌ ഈ സംരംഭത്തിന്റെ പതാകവാഹക. മലയാളമടക്കം 20 ഇന്ത്യൻഭാഷകളിലും വിക്കിപീഡിയ പ്രവർത്തിക്കുന്നു.
No comments:
Post a Comment